首頁 > 即時娛樂 >
即時新聞

陳國邦羅敏莊碌盡人情卡 幫陳禛出碟留珍貴回憶

[2017-12-07 01:22]

陳國邦及羅敏莊(MiMi)為了幫女兒陳禛及自己留下美好回憶,二人碌盡人情卡,找來唱片公司老闆幫陳禛錄製聖誕雜錦歌及唱片,並邀請攝影師好友借出場地,及操刀為女兒拍攝新碟宣傳照,順道一享家庭樂。

雖然拍攝時間長達大半日,但向來「電量十足」的陳禛完全唔覺攰!由於拍攝現場擺設精緻得似遊樂園,陳禛亦玩得不亦樂乎。不過每當正式拍攝時,陳禛卻未能自然地釋出平時燦爛的笑容,這時候阿邦和MiMi便會伸出「神之手」為陳禛搔癢,而每次都必定成功過關,場面溫馨又搞笑。

事後一家三口受訪,阿邦被爆是出這主義的人,他不諱言,說:「呢個係一個美好回憶,尤其我哋都係藝人,要做呢件事好易,好似依家咁,有成隊人去拍我哋,出嚟效果會好靚好放心,對我哋嚟講,都係想為女留好特別回憶。」MiMi亦直指不捨得女兒大得這麼快:「阿女把聲成日都唔同,我老公就成日催我快啲幫個女錄歌,因為再大啲錄把聲又會再轉,真係好想留低佢咁得意把聲,會係我哋好美好嘅回憶。」

問到阿女錄歌時的趣事?MiMi笑言是安撫女兒和為老公,阿邦亦直認灌錄時有點忟憎,說:「做戲重複又重複冇問題,但唱歌真係唔得。」MiMi則謂:「陳禛錄嘅時候會嗌悶同攰,因為件事唔同唱現場,要重複又重複。咁個女會覺得好煩,會問我幾時走得呀,所以我就要集中訓練佢耐性咯。」

都市網推薦新聞

熱點新聞