首頁 > 即時娛樂 >
即時新聞

【低胸鬥性感】翠如諗定搵細妹造婚紗 袁偉豪見咗女友家長

[2017-09-13 04:09]

黃翠如、袁偉豪、陳美詩(Macy)及廖碧兒等出席護膚品牌開幕活動,穿著白色低胸裙現身的翠如,與騷心口的袁偉豪即場試用精華油, 翠如笑指密運中的袁偉豪好潤。袁偉豪大讚女友張寶兒懂得打理皮膚,自己也給予滋潤對方,又指跟女友媽媽見過一次,因為出騷表演邀請對方來看,更認為佳節可相約長輩吃飯聯誼,翠如聞言後即恭喜對方。

袁偉豪又自爆被翠如嬲,因為失意的時候,適逢兩人合作《使徒行者2》經常見面傾計,被翠如覺得他交了女友竟沒有獲得通知。他說:「我哋拍拖幾個月,未過試用期。(張寶兒媽媽對你印象如何?)我又無問,希望好啦!」對於可有教授幾招畀袁偉豪,翠如笑指袁偉豪好叻是女人湯丸,袁偉豪反駁指蕭正楠一樣。翠如說:「蕭正楠都係,但媽媽級、小朋友會冧啲,佢係女仔,你睇佢除衫就知。」

談到性感打扮出席活動,翠如笑指知道袁偉豪一定性感現身,所以不讓對方唯美,加上今次主題是白色,而且一向有設計師朋友為她揀衫。問到可有讓男友蕭正楠過目?她說:「佢不在香港,我諗都唔會傳任何相片給他睇。(可會叫設計師朋友設計婚紗?)無咁諗!我妹妹懂得車衣,如果人生這一刻畀妹妹造衫會好sweet。」

都市網推薦新聞

熱點新聞