首頁 > 即時娛樂 >
即時新聞

忙囡囡開學事 靚媽林嘉欣忘記39歲生日

[2017-08-17 07:56]

林嘉欣今日39歲生日,不過她好烏龍,竟然為了囡囡開學而忘記自己生日。昨日她與唱作人Merry Lamb Lamb和小畫家凝映,為她們設計的繪本拍廣告時,廣告商花心思為她準備驚喜生日會,送上3個蛋糕、鮮花、汽球、生日卡和禮物等,全場大合唱生日歌,令嘉欣開心得笑不攏嘴!戴上生日帽的嘉欣笑說: 「剛才真係好驚喜,因為呢排囡囡就嚟開學,太多嘢發生,我連自己生日都唔記得咗!」至於生日願望,嘉欣說:「希望大家都身體健康!」

提到囡囡,嘉欣表示今年與廣告商第3次合作,因為囡囡啟發她創作靈感而開始,她笑說:「第1年創作,靈感來自嘅囡囡,今年第3次合作,靈感仍然來自佢哋。」今次其中3本繪本中,嘉欣與Merry合作創作故事,她說:「過程好有趣,我哋好似接龍咁,一個故事輪流一人一句接落去,由Merry繪畫。其實我一直都好鍾意佢畫嘅公仔,線條好簡單,以前已經Follow咗佢嘅ig(Instagram),今次呢個計劃就係同佢合作,好巧合。至於凝映,今次係我哋第2次合作,佢以真人真事設計咗3本遊戲書,好適合親子一齊玩。」除了設計繪本,3人還合唱廣告歌《哈哈哈》,原創者Merry表示希望透過這首歌宣揚快樂正能量。

都市網推薦新聞

熱點新聞