首頁 > 即時香港 >
即時新聞

Kelly Online: 阿松小伏勁浪漫 重回夏威夷始婚酒店慶祝15周年

[2017-08-12 23:12]

其實唔講唔知,原來好多港商都好鍾意去夏威夷渡假,好似廠商會立法會代表吳永嘉Jimmy咁,就同20、30人一齊去夏威夷旅行。佢哋當中有一個好朋友15年前喺夏威夷結婚,今次一行人就陪佢哋返去當年結婚嘅酒店住,在15年前舉行結婚儀式嘅禮堂食飯,舉行15周年結婚派對,成件事鬼咁浪漫,成班朋友都盡興而歸呀!

Jimmy將成個旅程講得雲淡風輕,但就無提到這對咁浪漫嘅朋友是邊個,睇相先知,原來今次夏威夷之旅的主角是前財政司司長梁錦松同太太「跳水皇后」伏明霞。

Jimmy太太Esther與小伏係手帕交,相識喺清華大學,所以兩人係見證住阿松同小伏一段姻緣。Jimmy又透露,去到夏威夷最主要都是享受陽光與海灘,輕輕鬆鬆,自己仲玩過下射擊。在夏威夷分別後,各人就向世界各地再出發,他與老婆就去了東京血拼了幾天。

其實唔止阿松同小伏,自由黨榮譽主席田北俊亦都喺夏威夷,同一班孫仔孫女度假。田少仲曬得一身古銅色,繼續有型。

都市網推薦新聞

熱點新聞