首頁 > 即時娛樂 >
即時新聞

雷頌德包辨蘇永康發燒碟 操刀影埋封面

[2017-08-10 02:46]

蘇永康首次推出Hi-Fi發燒天碟《LOVE FROM THE LAST CENTURY》,因選唱的歌大部份是上世紀情歌。蘇康說:「我自己構思咗好耐有好多歌想唱,因為樂壇有好多好歌,我經常諗如果自己唱到呢啲歌就好,今次嘅錄音時間,相信係我入行31年嘅唱歌生涯中錄得最快一次,喺2個月內完成,通常要錄幾個月時間,因為唔使等作曲填詞,可以好快完成,加上我冇賣弄任何唱歌技巧,一切自然咁唱,不過真係用咗好多樂器去演奏!」今次蘇康的天碟由雷頌德(Mark)一手包辨,連封面攝影師也是他操刀。蘇康笑說:「Mark自從同黎明影咗本影集之後成為攝影師,佢近幾年不停影相,係好專業攝影師,所以要邀請佢影封面!」不過蘇康在外國網訂來拍封面穿的大褸,遲遲未運來港,期間他和太太去日本旅行,才發現大褸仍在當地店內沒寄出,要出動老婆跟網站理論,最後在24小時內就運送到港,蘇康就被老婆大罵。

都市網推薦新聞

熱點新聞