首頁 > 即時娛樂 >
即時新聞

鼓勵情緒病患者衝過去 過來人Sammi唱到喊

[2017-03-20 00:30]

天后鄭秀文(Sammi)與創作女歌手盧凱彤(Ellen),多年前分別飽受情緒病煎熬,二人現在已走出陰霾,[email protected]衝過去》,由林夕填詞、蔡德才編曲兼監製,鼓勵情緒病患者要勇敢跨過難關。拍攝MV當日,身在台灣的Ellen專程返港探班,看見Sammi投入得掉下眼淚時,她亦深受感動。

身為「好心情@HK」計劃宣傳大使的Sammi在MV裹,被重重象徵壓力和枷鎖等的布帶纏繞著,她不斷掙扎,最終成功衝出去。她與Ellen一同接受訪問時說:「首歌錄好咗一段時間,今日拍MV再唱番,好多情緒、情感湧返出嚟。其實流眼淚、哭、呼叫都係好自然發洩情緒嘅表現,剛才係自然流露,現場都有好多工作人員都被感動。」

過往類似歌曲旋律比較抒情,但《衝過去》旋律激昂,Ellen說:「寫歌前我哋為咗互相了解多啲傾咗好耐,我哋傾偈時間比創作時間更長,試過好多唔同嘅曲風先至寫出呢首旋律,希望曾經經歷過情緒波動、唔開心嘅人得到共鳴。」Sammi大讚蔡德才編曲鬼斧神功:「佢加入大自然雄偉嘅感覺,有衝過高山嘅氣勢!」歌詞是歌曲的靈魂,林夕讓《衝過去》錦上添花,Sammi說:「歌詞之中『衝過去 難道開不開心,需要世上允許』最打動我,我覺得每個人嘅快樂,好應該自己去爭取,每個人都有釋放快樂嘅自由,唔使因為其他人影響自己快樂嘅感覺!」Ellen非常認同,而她最喜歡「接受高低情緒 又漲又退像潮水」歌詞,她說:「我哋每個人都會經歷不同情緒,只要明白好似潮水漲退,會來又會去就唔使恐懼,呢一段歌詞畀咗多好多力量我。」

首次作曲的Sammi透露這是她主動獻身,她說:「今次係我第一次作曲,係我主動要求,我認為每個人身心都有一種毫不畏懼勇敢地衝過去決心,每個人都可以衝出自己的恐懼,衝出自設的局限,喺崎嶇困難勇敢向前。多謝Ellen 呢個好拍檔一齊作曲,仲有林夕嘅詞,我哋都經歷過情緒問題,都係過來人,創作過程中我和Ellen搵到好很多共通點,感受特別深刻,令呢首歌更有力量。」

都市網推薦新聞

熱點新聞