首頁 > 即時香港 >
即時新聞

Kelly Online:發哥幫手推流浪狗上岸 獲網民封「民間貼地特首」

[2017-03-18 04:18]

影帝周潤發(發哥)行山時都經常被行山友「野生捕獲」,今日佢去南丫島就「捕獲」咗10隻流浪狗狗和義工,仲主動幫義工推狗狗們上碼頭呢!

南丫島動物保護組織「LAWC - Lamma Animal Welfare Centre」今日喺facebook專頁出post話,「義工在南丫島東澳找到十隻無家小狗,送回榕樹灣途中,得到發哥幫忙。」所謂有圖有真相,組織上載嘅相見到,發哥落船後,推住一架載住小狗們嘅BB車,見發哥一身行山Look,笑晒口咁,真係隔住個mon都覺得好窩心!

網民見到都勁俾Like同心心,大讚佢「無得頂」,封佢做「民間貼地特首」。有網民亦留言提議發哥,「不如帶埋佢地返屋企啦」,亦有網民話:「除咗講我愛發哥,真係唔知講咩好。即使係舉手之勞,唔係個個願意做。」

組織出post感激發哥出手幫忙之外,亦都希望大眾可以幫忙領養或者助養。

都市網推薦新聞

熱點新聞