首頁 > 即時娛樂 >
即時新聞

唔怕劉浩龍呷醋?容祖兒冧爆單眼皮曹星如:未見過人咁靚

[2017-03-17 07:57]

容祖兒(Joey)出席DFS的「來自威尼斯的愛」慶祝活動,問到Joey有冇同男友劉浩龍(師兄)去威尼斯,Joey直言冇試過。至於會否試下去浪漫的地方,她說冇所謂,自己不怕坐飛機,最重要有時間。

講到早前Joey與曹星如拍攝運動品牌廣告,問到會否想與對方再合作?Joey大為表示很欣賞對方:「佢直頭係我最鍾意嘅單眼皮,影相嗰日見到佢嘅傷痕同瘀傷真係好好睇,未見過人(傷痕同瘀傷)咁靚,睇到佢背後嘅努力。(你可以打師兄等佢有傷。)打你就真。」

Joey直言為即將舉行的演唱會預備得如火如荼,問到完騷後會否同師兄去玩?她笑指計劃了同媽咪等一行七人去日本遊玩。問到患癌母親是否已經好返曬?Joey透露仍未,還需要食藥,母親舒服點會去旅行。講到母親抱孫可能更開心,Joey即表示:「唔一定,媽咪擔心一餐。(你未定?)唔係,你哋唔夠我清楚我阿媽。」她又續言媽咪冇催自己,任由自由發展,無論點都會支持。

提到其細佬早前被傳與有夫之婦一齊,對此Joey直言冇再跟進:「但細佬要睇好自己身體先,早前做body check,佢肝同腎都唔好,有脂肪肝,媽咪嘅肝同腎都靚過佢。」

都市網推薦新聞

熱點新聞